★☆薇薇薇薇薇☆★

网上好评嘅影像咖啡係一间三层小店。

咖啡店感觉上好似家庭式经营，去到嘅时候见到一个阿姨一个叔叔一个哥哥仔。

入边位置唔多，但係布置得好温馨，好适合三五知己（呢个词好老土）叫杯嘢倾一个下午！

小店入边贴满各种风格嘅摄影作品，同埋摆住各种同摄影摄像有关嘅器材。

我好少会介绍食店，但係因为呢度好特别——天台有好多我嘅好朋友：喵星人！

只只都好叹，又畀人任摸，好中意！

地址：海珠区南田路荣德街16号，南田路电车总站斜对面

今次嚟香港，更加觉得同广州毫无分别了！一出港铁站就係7-11同美心西饼。入到新城市广场，六福、周大福、周生生、各种金银首饰店；ZARA、H&M、PUMA、Adidas、UNIQLO、各种时装店；万宁、屈臣氏、各种化妆品专卖店，依家连广州都有卓悦了（不过我都係支持国产嘅娇兰佳人）；入到商务印书馆好似入咗联合书店咁。仲有最无分别嘅就係到处都係大陆同胞。我几同情香港人，因为一国两制因为CEPA，香港多咗好多人，买晒啲嘢用咗好多资源。试想下，有一日放假我想瞓晏啲至出门口行街买嘢同朋友食饭，但係出门时发现所有同关口连通嘅公共交通工具都塞满人，啲嘢已经畀啲专登咗几个钟头车嚟嘅外地人买晒，食饭想搵个位都难。呢样同广州都係差唔多。

不过中午随随便便喺茶餐厅食到嗰两碗猪手面同鲜虾云吞粉就完全唔同！

猪手焖得好冧好入味；鲜虾云吞真係有鲜虾，好香虾味，而唔係广州食到好爽好白无虾味嘅虾肉！以前喺广州都係随随便便搵间粥粉面饭铺头都食到咁嘅味，依家就剩得啲香港嚟开嘅茶餐厅或者嗰啲“味在西关”如文物般保护落嚟嘅食店至有呢啲味！仲有嗰杯香浓正中嘅港式奶茶，我冒住晕嘅风险忍唔住饮咗半杯，得！

新城市一期有一个SNOOPY乐园，好过瘾。不过有好多塞豆窿喺度，搞到我都唔好意思行过去。

好中意香港商场入边有好多临时展览。

一期有“爱时装·爱自然”时尚艺廊，Comme des Garcons Play Collection御用国际插画师Filip Pagowski作品占。即係有一对眼嗰个红心呢。

三期有Domokun展览。喺新城市以电子货币消费满1500蚊，仲可以换一个Domokun Tote Bag。我换咗一个，好靓咖。我都羡慕我自己！

因为今次係暴走一日游，影咗好少相，唔开心！

好彩都有开心嘅。去之前一日仲係狂风暴雨，当日竟然晴空万里。返嚟至知，原来亲爱嘅皇上同阿姬都係同一日去香港！都话皇上气场强大，托皇上嘅福，我都可以开开心心出门去，平平安安返家来！

喺商务印书馆，喺收银处见到有个一米八嘅男仔攞住马仔本《我的低能大肚之道》畀钱，好好笑！

哦！闲逛嘅时候仲见到夏雨叔叔迎面行过嚟添！

梁园係广东四大名园之一，由当地诗书画名家梁蔼如、梁九章、梁九华及梁九图叔侄四人，于清嘉庆、道光年间（公元1796-1850年）陆续建成，历时四十余年。

园内保留咗清代书香世家嘅家具摆设，古色古香，古韵留存！

清风若柳，柳随风摆，一步一景。

地址：佛山市禅城区松风路先锋古道93号

交通：广佛线祖庙站步行至祖庙公交站，坐105、106、118、旅游城巴一线、128路至梁园站

费用：10蚊（逢星期六免费开放）

佛山祖庙供奉北帝，三月初三北帝诞，我哋三月初四去，见到远道而来嘅南岳衡山道长山水道人表演洞箫、省政府参事阮纪正教授表演太极。睇造型就知劲！

祖庙外香火鼎盛人潮如鲫。

讲到佛山最有名嘅人物当数黄飞鸿，提起黄飞鸿，就自然会联想到打功夫、佛山无影脚、宝芝林、十三姨等等嘅关键词，仲有黄师父嘅首席徒弟叶问！

祖庙内设黄飞鸿纪念馆、同埋叶问堂。展出两位功夫大师生平嘅事迹，因为战乱，黄飞鸿晚年都几坎坷，死后葬于观音山（今越秀山）。

黄飞鸿除咗功夫劲，舞狮都好醒！喺黄飞鸿纪念馆对出广场，一日有两场醒狮表演！一到时间，广场上嘅锣鼓齐鸣，大家就知道精彩嘅表演开始喇！

呢个环节叫采天青，只狮子爬上10米高架采青，代表步步高升。

最精彩就係跳梅花桩，表演嘅人都係世界冠军。两个人係十几支高低错落嘅桩柱之间跳嚟跳去、擒嚟擒去，睇到我哋哇哇声！好紧张好精彩！

未去之前觉得20蚊门票有啲贵，但係入睇到呢个表演觉得抵到烂！

仲有一个孔庙，好庄严！

祖庙仲保留好多几百年前嘅同埋根据祖庙风格嘅现代艺术建筑，连垃圾桶都好配合！

地址：佛山祖庙位于佛山祖庙路（完全係一句废话）

交通：广佛线祖庙站有落。

费用：门票20蚊

时光倒流的话，我希望一觉醒来，自己躺在大学宿舍的床上，四个人起床轮流梳洗，在宿舍走廊等齐七个小粉人，先向女生饭堂出发。买几毛钱的包子加一杯比水稠一点豆浆，再向课室出发。一路上吱吱咋咋，见到魔头，问候两句上面的空气好不好之类的没有内涵的话。到了课室两口把早餐吃掉。

重要的课就认真听做笔记，一般重要的课一本阿姬赞助的杂志一本课本双任务处理，不重要的课就传纸仔、聊天、摆弄一下那只made in China但是在澳洲买来送给粉然的袋鼠笔袋、看部长露两手（那两只可以扭几圈的手），甚至有同学借上厕所之名到走廊聊天……

上完课就近去佬饭堂吃个两三块就有一大盘的饭，抓紧时间回宿舍小睡一会儿。

下午在实验室里做实验看看有没有不变的诺言。一班人拿着不同的东西在实验室里走来走去，按着实验书上“糖呢就两茶匙，仲有啲橙皮添”的指引一步步做下来，看能不能做到书上写的效果，做到就开心，做不到就郁闷。后来发现不只是自己做不到，原来全班都做不到，后来发现是班主任配错液了……中间无聊的时间，用各种实验仪器作为道具拍照。

下课了，努力学习的同学去了图书馆，有任务在身的去了学生会，有男女朋友的去了约会，男生去打球，女生去商业中心，什么都木有的到处瞎逛。路上太晒，打了遮阳伞的我们叫少华过来一起遮，他以自己已经黑得不能再黑为理由拒绝了。

又是一顿饭。回到宿舍以龟速的网速上上网，写写作业，洗洗澡洗洗衣服。干完正经事之后就在宿舍吹水，调戏一下那只叫安全的兔子或者隔壁宿舍的全校十佳学生LLL同学。

到点睡觉了，我带上mp3上床听森美小仪，听到好笑的自己忍不住在被窝里焗蟹，但是震得睡旁边床的粉然都知道……

祝从前的各位将来都幸福！

网上有风筒吹大椎穴治疗感冒的方法，然后我改良为贴暖包于大椎穴，然后我再特意感冒几次亲身试验，然后发现效果不错，然后我存活至今，然后介绍给大家！

大椎穴：大椎穴在第七颈椎下方凹陷处。就是当你低头的时候，用手摸摸脖子后面，会很容易摸到一块明显突起的骨头，那就是第七颈椎棘突，在下面紧挨着它的凹陷，就是了。反正暖包一大块，贴在差不多的位置就行了。

暖包：7-11便利店及药房有售。打开包装撕开底纸贴于内衣外。

注意：暖包不要直接接触皮肤，以免灼伤！

此方法适用于风寒感冒，即有发冷、流鼻水之类症状。初起时暖包贴大椎穴睡觉效果尤为明显。

注意：若暖包质量太好温度太高，应与皮肤隔几层衣物，或者适时取下。

如有效，下次见到我，请叫我一声卢医师；如无效，请尽快到正规医院求医，係咁~

海珠桥喺广州人心目中绝对係“神台级”地标。2月28号，有79年历史嘅海珠桥将进行为期18个月嘅大修！

呢两日海珠桥半封闭，车辆禁止进入，市民可以喺平时车来车往嘅桥面自由行走。

桥头嘅铭牌

海珠桥变成一条步行桥

大家都喺上面影相，好过瘾！

妈妈带住小朋友嚟行桥。

平时搭车经过农讲所同大东门之间、越秀中同中山路交界，见过一栋楼，神奇地树立喺三岔口度。呢度就係有上百年历史嘅清代当铺碉楼、现已改造成内地首家典当博物馆嘅“东平大押”！

有人免费讲解，从一楼实物展示，二楼图片资料展示，一直介绍到三楼纪念品销售区。

一楼就係当铺嘅格局，高高嘅柜台前面摆咗一块红色嘅挡板。

柜台前面有算盘、账簿、放大镜、厘等秤……

二楼有好多图片、实物资料，将盛行广州上百年嘅典当行业历史重现。

有当时写到“鬼画符”一样嘅当票；典当行业嘅营业执照“当帖”；仲有民国33年当咗30银元（折合依家七千至一万）嘅一部拨盘电话，贵过爱疯！

呢个“九出十三归”嘅行业已经式微，从呢个小小嘅博物馆，我哋可以了解翻呢个行业了解翻呢段历史。

门票：免费

时间：每天9：30至16：30，逢周一闭馆

地址：中山四路1号

X’mas @ GZ

We wish u a Merry Christmas and a Happy New Year！

注：个“Year”字记得卷俐

我朋友百度百科话呢：“1850创意园由原华南最大的金珠江双氧水厂改造而成，占地5万多平方米，总建筑面积3万多平方米，由76栋错落有致的厂房车间组成。通过利用和改造旧厂房车间，打造艺术创作、设计、时常展览、文化交流、办公生活的品味空间。”

一入门口就见到用原本车间机器零件拼制而成嘅指示牌。

里面有各种类型嘅公司，各自有唔同嘅装修风格，行走其中似乎有穿梭时空嘅感觉。

公司门面各种有型！

园区里面都保留好多工业嘅痕迹，巧妙地转化中。

仲有各种艺术装置。

沿途各种小风景。

1850係旧城改造又一好例子。虽然依家仲係开发阶段，但係都值得大家到此一游。

值得一提，呢度距离信义会馆非常近，从正门出翻芳村大道向珠江隧道方向行，第一条街口转右入波场后街就可以直达信义会馆。

地址：芳村大道东200号

费用：免费