★☆薇薇薇薇薇☆★

                  Hello！My name is Law，Don’t Phone Law！

                  HaHa！Nice to meet you！

                  Bye-Bye！

我谂大部分年轻人都中意食薯片嘅，我仲係年轻人，我都中意！

上网睇到介绍DIY薯片，做法非常简单（唔简单我都唔知点算），于是一试。

**********DIY薯片**********

材料：

1、薯仔（食得几多买几多，千祈唔好浪费粮食）

2、盐

3、牛油（或者花生油都得，不过无咁好味啫）

4、大碟（用碟好过用淘宝上面卖嗰啲所谓嘅“烤薯片器”）

5、微波炉（无咗微波炉，做法就咪使旨意简单）

做法：

1、薯仔去皮，切成约2mm嘅薄片

2、用餐巾纸索一索薯仔啲水分

3、用热水浸溶块牛油，均匀搽喺大碟上

4、将薯片均匀铺喺搽咗牛油嘅大碟上

5、喺薯仔上面洒盐

6、放入微波炉，大火叮3分钟（1000W微波炉，其他瓦数嘅请酌量调整火力或者时间）

7、OK之后，攞个碟出嚟，同啲薯片反面，再大火叮3分钟

8、食得！好味！

**********好味**********

呢碟係第一碟，我自己整嘅薯片，用咗花生油，切到啲薯片好似麦片咁细片，颜色一般，似似地香蕉片。

呢碟係第二碟，妈妈切嘅，刀功好好多，落牛油颜色鲜艳好多，香好多！

卖相OK，味道同出边买嘅原味薯片差唔多！点埋喺老麦鼠翻嚟嘅茄汁仲好味！不过呢，一次净係可以将一碟放入微波炉叮，我觉得有啲浪费能源，同埋叮完出嚟一阵就食晒。无办法啦，唯有揾只尽量大嘅碟啰。

我都学下最近热播嘅《开心大发现2》先：“DIY薯片係——成功嘅！”

受到几个星期前《万世巨星》艺术周“画画仔”嘅影响，我都突然想画画。

经过文具店，买咗一盒彩色铅笔，翻屋企画画画！

画画嘅内容好贯彻我一贯嘅风格啦——无聊。质素嘛，见仁见智啦！自己都知道麻麻地咖啦。

《音乐花洒》：同嗰班音乐独角仙、音乐绵羊、音乐贵妇狗、音乐猴子、音乐豪子係friend嚟嘅。古巨基嘅《花洒》，啦啦啦，啦啦啦～担忧要是无谓，拿花洒洗礼～

《KAY》：听住最新大碟《Yelling》画嘅。

《叱咤903》：903台徽，自己觉得画得好似！呵呵呵！暗自高兴中！

《叱咤奖》：呢个麻麻地似。

《自画像》：发觉有一头卷发係一个好明显嘅特征，好好画！自我感觉良好！呵呵呵！

今日与一摄影达人倾过，达人介绍我用手动曝光影靓相。于是，我翻到屋企又攞部机出嚟搞。

搞搞下，至发现，原来我部机都有慢速快门设置哟！好开心！一嚟，我部机可以影靓靓夜景哦；二嚟，我上YouTube睇过人哋用慢速快门加发光嘢（例如电筒、手机）画画，原来我都可以画哟！

我嗱嗱声关埋房门、熄咗盏灯、拉实块窗帘，成间房黑蒙蒙，得翻部相机mon发光！我设置咗10秒定时同10秒慢速快门！攞住个电筒，对住部相机，喺间房度画画画，画咗半个钟，画咗十几次，画到身水身汗。每次出翻张相之前，部机都要处理5秒左右，呢5秒钟等到我好紧张，唔知出嚟效果係点，有啲明白人哋喺黑房等出相嘅感觉。

画咁耐，终于画出两幅比较满意嘅作品！好嘢！

简单咗啲，各位见笑啦！

半年前去番禺宝墨园影嘅相。嗰度真係好靓！嗰度啲鲤鱼好大好为食！

宝墨园牌匾

水乡feel

长廊

古色新香牌楼嘅顶

紫洞舫

观景楼

买咗数码相机大半年，到依家为止，已经影咗五千几张相！

摆啲出嚟畀大家睇下，晒下咁噜！

《甲壳虫 2-2》

喺石室外边嘅草丛影嘅，一set两张。只虫仔得四分之一块指甲咁大只，用个微距影佢！佢啲颜色好鲜艳啰。

《乌云密布》

《蓝天白云》同《乌云密布》两张相相隔一个钟头！正所谓“天变一时，人变一日”！

《雨后怕羞草》

落完雨，怕羞草上边仲黐住两滴水珠。感觉好“生猛”同“新鲜”啰！

听讲呢排好hit呢啲移轴相。将啲人啊、楼啊、车啊之类嘅嘢变到好似玩具模型咁。觉得好得意！

世界上最出名嘅移轴摄影大师——本城直季（Naoki Honjo）于2008年5月1日至18日喺香港海港城·美术馆举办《小·惑星》相片展览！

无移轴镜头，试下PS（教程）。上网揾咗张相嚟试试，都得喎！

    某日，无聊到痹，搞搞下，揾埋一班好友，拍咗以下广告。

    注意：视频右下角，有个小喇叭，调音量用。睇之前，记得开，调到适中音量。咁样观看效果最佳。多谢！

   主角：本人、1蚊1盒嘅统一葡萄多
   构思：本人
   摄影：粉然
   音效：皇上
   幕后花絮制作：部长
   后期制作：本人