★☆薇薇薇薇薇☆★

之前，我根本唔知be@rbrick、Qee、postpet、暴力熊、momo熊、POPOBE……呢堆熊仔有咩分别！经过呢段时间，不断百度之后，终于发现佢哋係唔同咖！

其他唔讲，净係讲下be@rbrick同Qee啦！

be@rbrick成个身係直嘅，仲可以屈到坐喺度。佢同Qee比较，特征包括：1耳仔係一样大嘅；2成个背係直嘅；3有啤酒肚，呢个好搞笑；4脚係方柱形，比较有棱角。

Qee有除咗熊仔Bear，仲有猫仔Cat、狗仔Dog、马骝仔Mon、兔仔Bunee、骷髅头Toyer、蛋宝宝Qee Egg、猪仔Pigee同Grizee，一共9种形态。其他嗰啲动物应该好难同be@rbrick捞乱嘅。咁净係讲熊仔Qee啦。Qee特征包括：1大小耳仔，佢只右耳大过左耳嘅，呢个係Qee最大嘅特征；2驼背；3头可以拆出嚟，套上配套嘅锁匙扣；4整体睇起嚟比较光滑圆润，无棱角感。

由于时间关系，我朋友一早就影咗一辑be@rbrick×Qee嘅相，好靓咖！大家睇啦！

大家得闲留意下，贴喺7仔嘅海报写住呢啲係be@rbrick！我觉得Toy2R嘅老细Raymond真係多得佢唔少啰！

仲有，前几日去广州Toy2R专卖店，同店主倾咗阵，佢话广州呢批茶里王Qee其实係台湾嗰批40周年版QC Q出嚟嘅！如果唔係都唔会咁平啦咁。我真係当堂好似其中一直咁 | | | ……

呢班Qee嚟到大陆，有另外一个大陆名咖喎！

上：郁闷乌龙王；快乐瞌睡虫

下：紧张糨糊桶；兴奋工作狂；愤怒大胃王

得到贵人相助，得到埋余下3只茶里王Qee！终于“家好月圆庆中秋”！

好嘢！劲开心！

套翻台湾版上班族心情周记Qee每日语录：

星期一：我愿与公司同生死，反正现在生不如死！

星期二：没事可以早点回去，我都吃过早餐才过去！

星期三：天无绝人之路，开除走路也是走路！

星期四：业绩是公司的灵魂，我们是公司的冤魂！

星期五：五点一到电脑关机，七点一到Party Start！

星期六：老板，辛苦了！假日请好好的休息，千万不要打给我！

星期日：养精蓄锐，迎接充满挑战的明天！黎明请你不要来！

另外台湾版之前嘅两个系列

好记得报纸上曾经写过一句话：“潮人的房间又怎能缺少玩具界的时尚标兵BE@RBRICK小熊呢？”其实，同BE@RBRICK一样潮嘅，仲有Qee！

一直想拥有一只，但係又因为市场上良莠不齐以及一直未有心仪对象，所以未买到。

今日，广州嘅7-11便利店，买两支茶里王就可以换购一只茶里王Qee！翻工之前，嗱嗱声去换咗两只！红色嗰只，仲要係呢一set入边“我的最爱”添！

好开心！

影前……                             影后……

有兩位細路咁鬼Hea  佢兩個確實有啲Pea

佢兩個喺網上面鬥快去泊車 晚晚夜對妖怪狂射

*Never Say Kai 潮童高嗌  Never Say Kai 潮童被屈機屈大

噢 聽樂與怒嗌生晒  喔噢 聽見Punk嘢有古怪

喔噢 聽嚇聽嚇愛古怪  用配樂領航打死孤獨怪*

最愛喺網上猛Bid嘢  最愛叫老豆買啲嘢

最愛霸位坐但係冇買過咖啡  坐咁耐冇飲嘢借歪

Repeat *～*

晚晚要拍賣放啲嘢  對眼撐咁大拍啲嘢

你約個Blog友食飯晚晚有嘢寫  佢塊面咁鬼似雨遮

Never Say Kai 潮童高嗌  Never Say Kai 潮童用手機帶街

去潮拜才證明地球大 老土怪懶個乖 耳筒裡也大嗌

跳出街去潮拜 才證明地球大 去邊處都要High 要森美帶住你出街

We Love Hong Kong

Do You？

（注：潮语≠潮州语；潮语＝潮流用语，仲要係粤语嗰种）

我真係点估都估唔到林若宁可以写一首咁潮嘅词出嚟！劲！（潮语应该係读“靳”）

好hit好hit！继旧年有苏真真出咗长期卖断市嘅《潮语学习卡》之后，今年香港书展都出咗如朱薰《潮语大教训》之类嘅潮语书。

以年轻人为目标人群嘅叱咤903，DJ们喺节目爆出嚟嘅潮语特别多，甚至有啲係佢哋自创嘅添；而作为903最hit嘅节目之一嘅DJs组成嘅Boy Band，梗係走在时代嘅尖端定啦！暑假plug歌，梗係要至in至潮啦！

Kai＝书呆子个“呆”字，繁体有啲係写成“獃”。同“凱”十分相似，喺台湾广为流传。于是，呆子就变成凯子。由于粤语中无kai呢个音，于是用“Kai”代替，形容人蠢蠢地、傻傻地、低低地咁。

Hea＝消磨时间。此单字为903放大假DJ卓韵芝所创。
   Pea＝比Hea更Hea，无嘢做又唔做嘢。

對妖怪狂射＝最hit on-line game《Monster Hunter》。

潮童＝同“潮人”意思相近，即係盲目追随潮流嘅人，无论三岁定八十岁，只要符合“盲目追随潮流嘅人”呢个条件，就係潮童咖啦！

屈機＝我首先认识呢个词係今年香港中学会考中文科题目“见鬼勿O咀，潜水怕屈机”。考评局嘅官方解释係：“Ｏ咀”是对突如其来惊吓的反应；“潜水”是指不出现；“屈机”是游戏者因无力取胜而屈服，实际上，其意是玩家觉得被对手以强横方式压迫，觉得无可反驳，无法还手，形容有人利用建制上的漏洞去成事。

Bid啲嘢、卖啲嘢、拍啲嘢＝大家得闲放啲嘢上eBay卖下，上eBay买下。

潮拜＝去啲好hit嘅潮流品牌铺头睇下嘢买下嘢，畀啲钱呢啲品牌铺头赚下。

Do＝源自电台节目《丧Do男》，够胆死乜嘢都do！

嗯！呢首歌暂时咁多潮语啫，讲得唔啱嘅，请指正。多谢！