★☆薇薇薇薇薇☆★

用珠江数码嘅朋友仔，呢排晚黑睇翡翠台应该睇过一个惠氏奶粉嘅广告。

我好中意嗰首广告歌啊！“小乌龟食得慢，一粒饭要食三餐；老鼠仔爱挑食，专拣花生朱古力。”全部歌词都唔啱音嘅，好好听啊！哈哈哈！

粤语版揾唔到，净係揾到首国语版。两个版本都有异曲同工之妙（俗称一担担）！都忍唔住要同大家分享！

24号今个星期六，中午12:30，无记，《筋肉擂台》。重播都要睇！《筋肉擂台》以前晚黑播嘅时候已经飘忽咖喇，播下停下，依家中午重播继续其飘忽风格，一时星期日一时星期六。点都好，有得睇就睇！净係听佢哋“哎呀”都开心！

24号今个星期六，晚上8:30，广州台，《美在花城》。无错！《美在花城》！因为当晚嘉宾有梁汉文、方力申、侧田、森美！最坚嘅係，据报道，泳装提问环节係由森美大哥同星航哥主持！哇！我竟然可以睇到呢个场面！

星航哥，上世纪90年代，我仲係小学鸡嘅时候，已经好中意听星航哥嘅电台节目《飞星传真》，一直听到高中年代。森美大哥，从《架势堂》第一集开始听，听到依家嘅《早霸王》！

粤港两地两位“我最喜爱的电台节目主持”！好坚！好兴奋！期待两位可以擦出火花！

发现最近广州有好多show，史无前例咁多！经过多重筛选，都有一大堆节目我一定要去支持！我终于明白wwwinggg《啲钱去咗边》嘅真谛，我啲钱都唔知去咗边……

1、谢安琪个性化邮品

日期：已推出

价格：￥50

洗钱方式：致电969185订购

地点：送货上门

由香港著名摄影师／设计师Sunny Lau设计，主题係“谢安琪2009Yelling演唱会”。

 

2、谢安琪广州演唱会

日期：8月15日8:00pm

价格：￥100／￥200／￥300／￥450

洗钱方式：中国邮政订购

地点：广州体育馆

平民天后，连演唱会飞嘅价格都咁平民化！希望呢个票价足够佢哋嚟广州搭一个靓台同请到一班好乐手之后仲有可观嘅盈余啦！有兴趣嘅朋友，上！

（广州演唱会未出海报，用香港嘅顶住先）

 

3、陈奕迅广州演唱会

日期：7月25日8:00pm

价格：￥280／￥380／￥480／￥680／￥880

洗钱方式：中国邮政订购

地点：广州体育馆

好想睇Eason嘅live，但係似乎低价飞喺公开发售之前已经内部消化晒！

 

4、《保持爱你》

日期：7月3日上画

价格：￥30～￥70（视乎购买方式）

洗钱方式：自己去买票

地点：广州各大电影院

云集咗谢安琪、森美、艾粒等多位红星。好地地一出情人节电影，情人节无得上，依家无拉拉话7月喺广州上！广电局啊广电局，佩服！

 

5、《风云2》

日期：12月17日上画

价格：￥30～￥70（视乎购买方式）

洗钱方式：自己去买票

地点：广州各大电影院

虽然圣诞档期至上，但係忍唔住密切期待中！

虽然郭富城依然係嗰个“即食面头”，但係依然有型！

虽然我唔中意睇武侠电影，但係睇到啲特技咁强大，而且由三间电影公司联合制作，好吸引！

 

6、詹瑞文《疑似好睇演唱会——万世歌王》

日期：7月24日25日8:00pm

价格：￥180／￥280／￥380／￥680

洗钱方式：www.ticketmaster.cn

地点：中山纪念堂

劲中意詹Sir嘅浮夸表演！好好彩地，我已经买到飞啦！哈哈哈！

 

7、张达明焦媛栋笃笑歌舞喜剧《容易受伤的女人》

日期：8月28日29日8:00pm

价格：￥120／￥180／￥280／￥380／￥480

洗钱方式：www.gdscdc.com

地点：黄花岗剧院

想睇焦媛嘅表演，一个喺香港舞台剧界咁有地位嘅演员，一定有姖嘅个人魅力！

达明喺舞台剧已经获得过最佳导演、最佳编剧等多个奖项，实际上，佢係舞台剧之达人啰！

 

8、张敬轩广州演唱会（管弦乐团）

日期：9月份

价格：最高￥880，其他价位唔清楚

洗钱方式：估计都係中国邮政

地点：估计都係广州体育馆

啱啱前几日至睇到报道，话张敬轩9月会再喺广州开演唱会，距离上次唔到一年！

今次演唱会邀请17位来自加拿大、马来西亚、菲律宾、香港、内地等唔同地方嘅音乐人参与，所以票价略高。

 

Live表演之中，表演者与观众嘅互动、现场嘅气氛、立体嘅舞台、周围嘅配乐、每一场表演者嘅表现都係独一无二嘅，呢啲就係睇live嘅吸引力，呢啲就係我宁愿食少啲买少啲其他嘢都要储钱睇live嘅原因。

请嗰啲极度支持睇DVD、睇土豆、睇老翻、从来未睇过live表演嘅朋友唔好回复，大家嘅价值观唔同，费事嗌交伤感情。

 

3月28号开始，逢星期六晚11:15，《筋肉擂台》又嚟啦！又有阿占同阿奴！连我老豆都中意睇！开心！

3月29号星期日晚9:00，《首尔分高下》，有森美玩游戏！

3月31号星期二晚10:30，《掌故王》，森美、小仪、阿Yan、美妮，齐齐上去玩！

4月2号星期四晚10:30，《掌故王》，艾粒！

4月4号星期六晚8:00，《係咪小儿科》，艾粒！一周都係903！

4月5号开始，逢星期日晚9:00，《美女厨房》，继续中基、小方、Edmond！好嘢！

4月18号星期六晚8:00，《係咪小儿科》最后一集，森美小仪又上阵！

密切留意！

2月22号（星期日），晚10:30，无记，《星星同学会》，嘉宾：刘德华、何韵诗、蓝奕邦。最劲係，有客席主持——杜汶泽！好嘢！三姑＋阿泽！我最爱嘅《嘩嘩嘩》拍档！都係因为嗰时嘅《嘩嘩嘩》，我至听903咋！

2月24、25号（星期二、三），都係晚10:30，都係无记，《耳分高下》，嘉宾：方珈悠、傅颖、I Love U Boyz！

好嘢！鼓掌！

1月5号星期一晚11点05分，新一辑《筋肉擂台》又嚟啦！继续有艾粒主持！好嘢！

 

PS：E71真身出现！

《2058》（《2059》）果然係“a story about future”！广播剧出咗半年，E71就现真身！好劲秋！

09年1月1号无记节目安排：

        03:00~05:50 pm  08年度叱咤樂壇流行榜頒獎典禮
        12:10~02:05 am  08年度叱咤樂壇流行榜頒獎典禮

如果无记真係直播叱咤，如果中间唔插广告直落咁播，咁就劲啦！

哇！好兴奋！好开心啊！

恒生劲爆music world 新城劲爆颁奖礼2008

日期：2008年12月26日（星期五）

时间：08：00 pm

地点：香港会议展览中心

直播：无线音乐台

转播：无线翡翠台 2008年12月26日 10：35 pm

        MANHATTAN id信用咭 2008年度叱咤乐坛流行榜颁奖典礼
    日期：2009年1月1日（星期四）
    时间：03：00 pm
    地点：亚洲国际博览馆
    直播：无线音乐台
    转播：无线翡翠台 2009年1月1日 10：35 pm

 

2008年度十大劲歌金曲颁奖典礼

日期：2009年1月3日（星期六）

时间：08：00 pm

地点：无线电视台将军澳电视城

直播：无线翡翠台、高清翡翠台（同步直播）

 

第三十一届十大中文歌曲颁奖音乐会

日期：2009年1月18日（星期日）

时间：08：00 pm

地点：香港红磡体育馆

直播：无线翡翠台、高清翡翠台（同步直播）

——————————

其他传媒嘅颁奖典礼唔想评论，尤其係Boxing Day嗰个，年年都爆啲不知所谓嘅笑话！印象最深刻嘅係《在你遥远的附》！想点先？！衰啲讲：掩住半边咀，等睇今年又再爆啲咩出嚟！

斋讲我嘅挚爱、每年都期待嘅——叱咤！

听闻话之前年年都overrun，一年比一年更甚，903顶唔顺，无记剪唔切，于是改成下昼3点做！以前电台直播到后半段，无记就开始转播，叠住晒！今次改成下昼3点，仲好！

睇睇今年个press con，大大个slogan“自己斗自己”！啲backdrop好缤纷好靓！我好中意！如果今年个叱咤台都咁colorful，就正啦！

总之1月1号下昼3点黐住部电脑，揽实条Hongkong Tool Bar！正所谓：一Bar在手，叱咤我有！多谢！

903储咗一堆节目喺TVB喎！

常规节目：

星期一晚11点，艾粒《筋肉擂台》。

唔知边个星期播节目：

星期六晚7点半，森美《係咪小儿科》；

星期日晚8点，森美小仪《名人饭堂》；

星期日晚9点，艾粒《奖门人》。

 

PS：题目由占fan提供。

先勿论《五年级插班生》有无畀钱美国Fox电视台，就斋睇由何浩鹏主持、广东电视台公共频道播出嘅《五年级插班生》以及古巨基主持、无线电视翡翠台嘅《係咪小儿科》呢两个粤语版嘅《Are You Smarter Than A 5th Grader》，我觉得都非常精彩，各有千秋！

布景：九成相同！包括我觉得最坚嘅，喺讲台上游嚟游去嗰缸鱼！我读咗十几年书，从未见过一间课室嘅讲台上係有一缸鱼嘅！话翻转头，电视节目係应该作状啲嘅！

小学生：可能因为啱啱开始玩嘅关系，香港嘅小朋友好含蓄，喺拣小朋友出嚟帮手嘅时候都唔出声；反而广州嘅小朋友就中意举晒手，大叫“拣我拣我拣我！”好愿意表现自己。偷偷地讲句：我自己喺屋企好中意扮啲小朋友嗌“拣我拣我拣我！”我老豆仲话我扮得似添！嘻！

主持：何浩鹏话晒都喺电台打滚咗十几年，口才一级棒，气氛带动得好好！我意料之外嘅係，古巨基都唔嘢少，完全压得住个台！对住前辈兼软皮蛇吴君如都镇得住姖！三姑係咁耍赖，巨基都唔理姖。巨基嘅主持技巧确实係劲！倘若佢能够忍住，坚持唔搞烂gag，就更加good！

法宝工具：《五》嘅“出猫”，去到《係》就变成“参考隔离”。我谂“出猫”係一个负面词，可能会有误导成分，TVB真係好谨慎！另一个“开卷”变成“搬字过纸”，就更加容易明白！

播出时间：《五》逢星期六晚6:55喺广东电视台公共频道播出；《係》逢星期六晚7:35喺TVB播出。我feel到我将会搞乱两个节目！

 

题外话：

1、从《东张西望》开始招募《係咪小儿科》嘅小学生时，我就觉得呢个节目应该揾阮小仪主持啰！食得咁正！最多加埋王祖蓝喇！

2、几个月前，孙耀威上《五年级插班生》玩晒所有黑板上嘅题目，好叻！希望TVB可以请佢上《係咪小儿科》，等佢可以储齐一套！

3、多谢三姑上《係咪小儿科》，使得我可以见到做晨早节目嘅海滩叔、下午节目嘅Donald、深宵节目嘅阿喱可以同台出现（除咗台庆）。海滩叔同阿喱做三姑嘅打气团我都觉得啱数，咁Donald係为乜入选咖呢？果然係“谜样之男子”！