★☆薇薇薇薇薇☆★

版权声明：转载时请以超链接形式标明文章原始出处和作者信息及本声明
http://mayq.blogbus.com/logs/2880604.html

放咗假啦，得闲睇电视啦。我算唔上係电视精，唔会连电视汁都捞埋。以前花王问我，“识唔识阿边个边个啊？阿边个边个果首新歌几好听咖！”我答咗句：“佢唔上翡翠台，我唔识。”搞到姖好无瘾。

依家越嚟越少睇电视，TVB都少咗。大概係从《皆大欢喜》开始。《皆大欢喜》做到后尾，去广告一集大概25分钟，前5分钟设下陷阱产生误会，中间20分钟搞嚟搞去，最后5分钟大家终于明白咩事，恍然大悟，皆大欢喜！集集如是！

TVB呢几年好似多咗几个音乐节目。我觉得TVB最醒嘅就係揾咗At17嚟做劲歌主持！姖两个真係有实力咖！而且有一种魅力，感觉姖哋两个好醒目、好smart！同Twins完全唔同！我觉得At17迟早会过Twins！

本土有三个电视传媒：广东台、广州台、南方台。如果有一晚得闲，睇下呢三个台嘅新闻节目，会呢三个台啲新闻差唔多一样！广东台嘅《今日关注》、广州台《今日报道》、南方台《今日一线》。连节目名都差唔多，难怪啲料都一样咁滞啦。条条新闻都好似似曾相识咁！乜广州真係咁细咩？！其实，中央台仲过分。一个案件，n个频道，n个节目，播完又播。《今日说法》、《生活》、《新闻面对面》……咁计落，广州啲传媒都唔算太离谱啫！

平日喺学校，睇唔到电视我完全唔介意。但係有一个节目我一定要睇——《东张西望》。唔知点解，我对呢啲报道娱乐新闻嘅节目特别有情意结，睇唔到直播，睇重播，再唔得就上番TVB睇剪辑。我斋睇讲香港artise果啲parts咋喎。

当然仲有之前森美小仪主持嘅《15/16》啦！之后换咗主持，我瞄都无瞄过！我觉得如果星级版可以揾番克勤同荣忠做番几集，咁就唔错喇！我一直认为佢两个有得做！

仲有劲搞笑嘅《美女厨房》。阿中基之前主持《有招出招》都唔觉佢好笑得咁紧要，可能因为其他两个都係friend，自然讲嘢都轻松啲。小方呢，唔知係咪近得中基多，成个人无以前咁沉实，轻佻骄傲口花咗好多啊！记得睇过好似係2000年嘅劲歌总选，小方仲係香港游泳代表队，佢出嚟做颁奖嘉宾。一句嘢，断开三次，透咗两次大气，先至讲到晒。个样怕丑到啊！不过阿中基果时都差唔多！娘炳好命苦！次次都係佢出事！前年劲歌总选排练，界亲大髀，搞到四台嘅颁奖礼都要用拐杖，记得叱咤上台果时仲标晒汗添。今次食阿Fi啲嘢，食到呕同埋标冷汗。唉！何必偏偏选中佢啫！

我哋广州台都有个《心水保姆》。係我由细听到大嘅星航哥做主持！第一次全家一齐睇果时，阿星航哥讲咗两句金句之后，我老豆即刻指住星航哥话“广州森美啊！”哈哈！Good啊！讲真，星航哥就唔够森美大哥咁有型；但係，阮星星比森美亲切！两个人嘅主持风格我都好like！不过星航哥就幸福好多喇，起码佢parner，小珍珠靓过小仪，同埋珍姐都好醒目咖！

得闲嘅话，我都会睇埋《都市闲情》。虽说係师奶节目，其实，其中都有好多资讯。尤其係健康知识，唔错！

最近，新嘅，《阿笨与阿占》。阿奴同阿占配音兼主持。好似！佢哋两pair！笑C！

其实唔只“睇波一家大细最兴奋”，连睇综艺节目都係！虽然我都好“大”喇，睇电视都係一项几唔错嘅亲子活动！